Efnið skapar andann - vistvæn byggingarefni og áhrif þeirra á innivist og hönnun

Þann 24.maí næstkomandi stendur Vistbyggðarráð fyrir ráðstefnu um vistvæn byggingarefni. Ráðstefnan ber yfirskriftina, Efnið skapar andann. Vistvæn byggingarefni og áhrif þeirra á innivist og hönnun.

Ráðstefna er haldin á Hótel Reykjavík Natura, fimmtudaginn 24. maí frá kl. 9:00-13:00, en í tengslum við ráðstefnuna höfum við boðið framleiðendum og söluaðilum að  kynna vörur sínar.

Á ráðstefnunni verður sjónum sérstaklega beint að notkun vistvæns byggingarefnis á Íslandi. Framboð á vistvænum vörum í verslunum er sífellt að aukast en gera þarf átak í bæði innflutningi en þó ekki síst framleiðslu vistvæns byggingarefnis. Þar getur verið um að ræða þróun og notkun á íslenskum efnivið eða jafnvel endurnýtanleg byggingarefni sem stundum felur í sér mikla nýbreytni í hönnun.

Ráðstefnan er sérstaklega ætluð þeim sem starfa í eða tengjast íslenskum byggingariðnaði, framkvæmdaraðilum sem og öllum þeim sem hafa áhuga á að kynna sér sjálfbærnimarkmið og notkun vistvænna byggingarefna í tengslum við framkvæmdir og hönnun mannvirkja

Dagskrá:

08:30-09:00 Skráning og afhending gagna

09:00-09:10 Setning. Umhverfisráðherra, Svandís Svavarsdóttir

09:10-10:20 Vistvæn byggingarefni - hönnun og eiginleikar

• Ólafur Wallevik, verkfræðingur. Vistvænni steinsteypa
• Aðalheiður Atladóttir, arkitekt. Frá markmiðum til þróunar og niðurstaðna í hönnun framhaldsskóla
• Árni Friðriksson, arkitekt. Sesseljuhús og þróun vistvænna lausna á Sólheimum Umræður/fyrirspurnir

10:20-10:50 Kaffihlé - Kynningar framleiðenda og seljenda á vistvænum byggingarvörum.

10:50-11:40 Gamalt og grænt – notkun endurnýtanlegra byggingarefna

• Hjörleifur Stefánsson, arkitekt. Samþætting sjónarmiða minjaverndar og sjálfbærni
• Hannes Lárusson,myndlistarmaður.Timbur og torf–samruni lands og byggðar
• Umræður/fyrirspurnir

11:40-12.50  Vistvæn byggingarefni í íslensku samhengi

• Arnar Þór Jónsson, arkitekt. Vistvæn þjónustuhús fyrir ferðaþjónustuna
• Anna Sigurveig Ragnarsdóttir, Umhverfisstofnun. Svansvottuð byggingarefni
• Kristín Þorleifsdóttir, verkefnisstjóri Vistmenntarverkefnisins. Miðlun þekkingar og reynslu í notkun vistvænna byggingarefna á Íslandi
• Umræður/fyrirspurnir

12:50-13:00 Samantekt/ráðstefnulok

Skráning á vbr.is