Níðstöng reist á Austurvelli

Félagar í samtökunum Saving Iceland reistu ábyrgðaraðilum Kárahnjúkavirkjunar niðstöng á föstudagskvöldið 9. nóvember. Á níðstönginni var stytta Jóns Sigurðssonar látin halda þangað til hún (þ.e. níðstöngin) var tekin niður af vörðum íslenskra laga.

“Við höfum reynt allar löglegar leiðir og jafnvel ögrað ramma laganna í viðleitni okkar til að sporna gegn viðurstyggð eyðingarinnar. Það er auðvitað svolítið galið að kalla dularöfl til fulltingis en við reynum allt og í augnablikinu hef ég meiri trú á tilvist álfa, trölla og jólasveina en á samvisku stjórnmálamanna og aðhaldi almennings,” segir Eva Hauksdóttir, aðgerðasinni og norn í aðdraganda særingarinnar.

Myndin er af níðstönginni á styttu Jóns Sigurðssonar gegnt Alþingishúsinu.
Sjá meira um uppákomuna á vef savingiceland.org.