Auglýst eftir tilnefningum til Náttúru- og umhverfisverðlauna Norðurlandaráðs

Náttúru- og umhverfisverðlauna Norðurlandaráðs árið 2012 verða veitt norrænu fyrirtæki, samtökum eða einstaklingi sem hefur með góðu fordæmi og á árangursríkan hátt unnið að því að efla líffræðilega fjölbreytni í nærumhverfi sínu eða á alþjóðavettvangi og/eða aukið þekkingu almennings á þessu sviði.

Tilnefningar skal senda inn í síðasta lagi 12. desember 2011.
Dómnefnd tilnefnir allt að 13 aðila í síðasta lagi 16. apríl 2012.
Tilkynnt verður um verðlaunahafann í Ósló þann 22.maí og verðlaunin verða afhent á Norðurlandaráðsþingi í Helsinki í lok október 2012.

Eitt íslenskt fyrirtæki Marorka ehf hefur hlotið Náttúru- og umhverfisverðlaun Norðurlandaráðs en á hverju ári eru mismunandi áherslur settar varðandi úthlutunina s.s. orkumál, ferðaþjónusta, grænir bankar o.s.fr.

Öllum er frjálst að tilnefna aðila en það er gert með því að fylla út eyðublað á vef Norden, smella hér.

Ljósmynd: Rauðsmári, Guðrún A. Tryggvadóttir.