Loftgæði góð í Reykjavík í dag
Loftgæði í Reykjavík í dag eru góð en svifryk fór yfir heilsuverndarmörk á sunnudaginn vegna mengunar frá meginlandi Evrópu. Mengun sem berst á milli landa er algeng í Evrópu.
Mengað meginlandsloft hefur gengið yfir sunnanvert Ísland undanfarna daga. Sunnudaginn 17. ágúst skreið styrkur svifryks rétt yfir sólarhingsheilsuverndarmörk í Reykjavík og mældist 52,3 míkrógrömm á rúmmetra við Grensásveginn en viðmiðunarmörkin eru fimmtíu. Mánudaginn 18. ágúst var styrkurinn vel undir mörkum eða 30,2 míkrógrömm á rúmmetra og í dag þriðjudag eru loftgæðin orðin mjög góð.
„Þetta sýnir okkur að uppspretta loftmengunar er af ýmsum toga og þótt við búum lengst norður í Atlantshafi þá verður hér vart mengunar frá meginlandinu, eins og við höfum orðið var við á undanförnum árum,“ segir Anna Rósa Böðvarsdóttir hjá Heilbrigðiseftirliti Reykjavíkur.
„Mengun milli landa er mjög vel þekkt á meginlandi Evrópu, til dæmis berst reglulega svifryk frá sandstormum Sahara yfir viss lönd. Út frá þessu erum við lánsöm að búa langt frá öðrum löndum,“ segir Anna Rósa og minnir á að loftmengun er bæði staðbundið og hnattrænt vandamál. Nefna má sem dæmi um mengun af völdum iðnaðar að töluverð mengun berst frá Rússlandi til Noregs.
Mengað meginlandsloft hefur gengið yfir sunnanvert Ísland undanfarna daga. Sunnudaginn 17. ágúst skreið styrkur svifryks rétt yfir sólarhingsheilsuverndarmörk í Reykjavík og mældist 52,3 míkrógrömm á rúmmetra við Grensásveginn en viðmiðunarmörkin eru fimmtíu. Mánudaginn 18. ágúst var styrkurinn vel undir mörkum eða 30,2 míkrógrömm á rúmmetra og í dag þriðjudag eru loftgæðin orðin mjög góð.
„Þetta sýnir okkur að uppspretta loftmengunar er af ýmsum toga og þótt við búum lengst norður í Atlantshafi þá verður hér vart mengunar frá meginlandinu, eins og við höfum orðið var við á undanförnum árum,“ segir Anna Rósa Böðvarsdóttir hjá Heilbrigðiseftirliti Reykjavíkur.
„Mengun milli landa er mjög vel þekkt á meginlandi Evrópu, til dæmis berst reglulega svifryk frá sandstormum Sahara yfir viss lönd. Út frá þessu erum við lánsöm að búa langt frá öðrum löndum,“ segir Anna Rósa og minnir á að loftmengun er bæði staðbundið og hnattrænt vandamál. Nefna má sem dæmi um mengun af völdum iðnaðar að töluverð mengun berst frá Rússlandi til Noregs.
Birt:
19. ágúst 2008
Tilvitnun:
Gunnar Hersveinn „Loftgæði góð í Reykjavík í dag“, Náttúran.is: 19. ágúst 2008 URL: http://nature.is/d/2008/08/19/loftgaeoi-goo-i-reykjavik-i-dag/ [Skoðað:21. nóvember 2024]Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
