Náið fylgst með svínainflúensu
Nýtt afbrigði svínainflúensuveiru sem hefur greinst í mörgum ríkjum Bandaríkjanna og í Mexíkó inniheldur erfðaefni frá svína-, fugla- og mannainflúensu. Svínainflúensa hefur verið þekkt sl. 50 ár og þegar hún hefur borist í menn frá svínum hefur hún valdið samskonar einkennum og venjuleg inflúensa og yfirleitt ekki borist manna á milli. Það sem er óvenjulegt við þessa svínainflúensu er að hún getur borist frá manni til manns og virðist valda skæðum sjúkdómi í Mexíkó en vægum sjúkdómi í Bandaríkjunum. Svínainflúensan sem um ræðir er af A stofni H1N1. Blöndun virðist hafa átt sér stað milli erfðaefnis frá svínastofnum frá Vesturheimi og Evrópu, mannainflúensu og einnig fuglainflúensu.
Í Evrópu hefur enn sem komið er greinst eitt tilfelli á Spáni með tengsl við Mexíkó en önnur tilfelli hafa enn sem komið er ekki verið staðfest annars staðar í Evrópu. Ekki er útilokað að veiran geti borist hingað til lands með ferðamönnum. Einkenni svínainflúensu eru skyndilegur hiti, vöðvaverkir og einkenni frá öndunarfærum. Einkenni svínainflúensunnar í Mexíkó virðast vera skæðari en annars staðar og eru að auki í sumum tilfellum með uppköstum og niðurgangi.
Alþjóðaheilbrigðisstofnunin (WHO) í samvinnu við sóttvarnastofnanir í Bandaríkjunum (CDC) og Evrópu (ECDC) ásamt framkvæmdastjórn ESB hafa með sér náið samstarf við að fylgjast með og meta stöðuna. Íslendingar fá upplýsingar frá WHO og hafa jafnframt nána samvinnu við ECDC og ESB um vöktun og viðbrögð. Allar nýjar upplýsingar eru metnar og skoðað hvort bregðast þurfi við. Hér á landi eru unnið samkvæmt ný legri áætlun vegna heimsfaraldurs inflúensu sem unnin var af sóttvarnalækni og almannavarnadeild ríkislögreglustjóra á árunum 2006 – 2008. Samkvæmt þessari áætlun skal auka samráð og samvinnu þegar vá er fyrir dyrum. Einnig skal upplýsa alla hlutaðeigandi. Upplýsingamiðlun ásamt söfnun upplýsinga erlendis frá er verkefni dagsins og hafa fundir staðið yfir í dag. Fleiri fundir eru boðaðir á morgun.
WHO hefur ekki talið ástæðu til að hækka viðbúnaðarstig sitt vegna þess hve upplýsingar eru af skornum skammti og því er á þessari stundu ekki mælt með ferðatakmörkunum. Yfirvöld hér á landi fylgjast náið með upplýsingum sem berast erlendis frá og miðla þeim jafnóðum og þær berast. Gefin eru almenn ráð um sóttvarnir sem taka mið af því að smitleið veirunnar milli manna er með úða og dropum frá öndunarfærum. Því er mælt með því að halda fyrir vitin með pappírshandýurrku við hnerra og hósta, henda strax notuðum þurrkum og þvo hendurnar strax á eftir. Tekið skal fram að þau inflúensulyf sem aflað hefur verið til landsins eru virk gegn svínainflúensunni en bóluefni sem veitt getur vörn er enn ekki tiltækt en framleiðsla er á byrjunarstigi.
Frekari upplýsingar er að finna vefsíðunum www.influensa.is og www.landlaeknir.is
Í Evrópu hefur enn sem komið er greinst eitt tilfelli á Spáni með tengsl við Mexíkó en önnur tilfelli hafa enn sem komið er ekki verið staðfest annars staðar í Evrópu. Ekki er útilokað að veiran geti borist hingað til lands með ferðamönnum. Einkenni svínainflúensu eru skyndilegur hiti, vöðvaverkir og einkenni frá öndunarfærum. Einkenni svínainflúensunnar í Mexíkó virðast vera skæðari en annars staðar og eru að auki í sumum tilfellum með uppköstum og niðurgangi.
Alþjóðaheilbrigðisstofnunin (WHO) í samvinnu við sóttvarnastofnanir í Bandaríkjunum (CDC) og Evrópu (ECDC) ásamt framkvæmdastjórn ESB hafa með sér náið samstarf við að fylgjast með og meta stöðuna. Íslendingar fá upplýsingar frá WHO og hafa jafnframt nána samvinnu við ECDC og ESB um vöktun og viðbrögð. Allar nýjar upplýsingar eru metnar og skoðað hvort bregðast þurfi við. Hér á landi eru unnið samkvæmt ný legri áætlun vegna heimsfaraldurs inflúensu sem unnin var af sóttvarnalækni og almannavarnadeild ríkislögreglustjóra á árunum 2006 – 2008. Samkvæmt þessari áætlun skal auka samráð og samvinnu þegar vá er fyrir dyrum. Einnig skal upplýsa alla hlutaðeigandi. Upplýsingamiðlun ásamt söfnun upplýsinga erlendis frá er verkefni dagsins og hafa fundir staðið yfir í dag. Fleiri fundir eru boðaðir á morgun.
WHO hefur ekki talið ástæðu til að hækka viðbúnaðarstig sitt vegna þess hve upplýsingar eru af skornum skammti og því er á þessari stundu ekki mælt með ferðatakmörkunum. Yfirvöld hér á landi fylgjast náið með upplýsingum sem berast erlendis frá og miðla þeim jafnóðum og þær berast. Gefin eru almenn ráð um sóttvarnir sem taka mið af því að smitleið veirunnar milli manna er með úða og dropum frá öndunarfærum. Því er mælt með því að halda fyrir vitin með pappírshandýurrku við hnerra og hósta, henda strax notuðum þurrkum og þvo hendurnar strax á eftir. Tekið skal fram að þau inflúensulyf sem aflað hefur verið til landsins eru virk gegn svínainflúensunni en bóluefni sem veitt getur vörn er enn ekki tiltækt en framleiðsla er á byrjunarstigi.
Frekari upplýsingar er að finna vefsíðunum www.influensa.is og www.landlaeknir.is
Birt:
27. apríl 2009
Tilvitnun:
Einar Bergmundur „Náið fylgst með svínainflúensu“, Náttúran.is: 27. apríl 2009 URL: http://nature.is/d/2009/04/27/naio-fylgst-meo-svinainfluensu/ [Skoðað:3. desember 2024]Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
