Ábyrgð framleiðenda og innflytjenda á rafeindaúrgangi

Umhverfisstofnun vill vekja athygli á eftirfarandi vegna innleiðingar reglugerðar nr. 1104/2008, um raf- og raftækjaúrgang.

Reglugerðin er sett í framhaldi af breytingu á lögum um meðhöndlun úrgangs sem samþykkt var í vor. Með breytingu á lögum um meðhöndlun úrgangs var komið á ábyrgð framleiðanda og innflytjanda á raf- og rafeindaúrgangi. Frá og með næstu áramótum eru skilakerfi ábyrg fyrir meðhöndlun raf- og rafeindatækjaúrgangs sem fellur undir reglugerðina, en allir framleiðendur og innflytjendur eiga að vera aðilar að skilakerfi. Jafnframt skulu framleiðendur og innflytjendur skrá sig í skráningarkerfi framleiðenda og innflytjenda. Ábyrgð skilakerfa nær til fjármögnunar og meðhöndlunar raf- og rafeindatækjaúrgangs, að frátalinni söfnun til söfnunarstöðva. Ábyrgð framleiðenda og innflytjenda nær til landsins alls án tillits til þess hvar varan er seld.

Merkja skal raf- og rafeindatæki með mynd af yfirstrikaðri sorptunnu, en merkið gefur til kynna að safna skuli raftækjum sérstaklega, og skulu framleiðendur og innflytjendur upplýsa kaupendur um að heimilt er að skila raf- og rafeindatækjaúrgangi frá heimilum án greiðslu og að þeir ábyrgist meðhöndlun hans. Í reglugerðinni eru jafnframt sett markmið varðandi endurnýtingu og endurvinnslu raf- og rafeindatækjaúrgangs.

Samhliða setningu reglugerðarinnar tók til starfa Stþrinefnd raf- og rafeindatækjaúrgangs sem hefur umsjón með skilakerfum sem felst m.a. í því að safna upplýsingum frá þeim, meta hvort þau uppfylli skyldur sínar og hvort þau standi undir fjárhagslegum skuldbindingum sínum. Formaður nefndarinnar er Árni Vilhjálmsson hrl., en aðrir í nefndinni eru Bryndís Skúladóttir, Guðrún Björk Bjarnadóttir, Knútur Signarsson og Sigurður Örn Guðleifsson.

Erindi til nefndarinnar skal senda á:

Stþrinefnd raf- og raftækjaúrgangs
b.t. Árni Vilhjálmsson hrl.
Logos
Efstaleiti 5
103 Reykjavík

Nánari upplýsingar veitir Gunnlaug Einarsdóttir, sviðsstjóri sviðs umhverfisgæða.
Mynd:Merki sem skilt er verður að setja á raf- og rafeindatæki. ©Sigrún Guðmundsdóttir.