Réttarfréttir

Að fara í réttir var fastur liður í lífi flestra Íslendinga, fyrir ekki svo löngu síðan. Við réttir hittast sveitungar og fagna því að fé sé komið af fjalli og stutt í ný slátrað. Oft er kátt í réttunum og gaman fyrir börn og fullorðna að upplifa óðagotið og lætin. „Oft er miðað við að réttað sé föstudag eða fimmtudag í 21. viku sumars. Sumstaðar er þó miðað við ákveðinn mánaðardag“*. Á vef Bændasamtakanna er að finna lista yfir hvenær réttað er, hvar á landinu, bæði yfir fjárréttir og stóðréttir.
*Heimild: Saga daganna eftir Árna Björnsson.
Ljósmynd: Guðrún Tryggvadóttir.