Hlaup hafið í Skaftá

Samkvæmt upplýsingum frá Vatnamælingum Orkustofnunar er hlaup hafið í Skaftá og var rennsli hennar við Sveinstind um 280 m3/sek í morgun, sunnudaginn 10. ágúst. Fólki er ráðlagt að vera ekki nálægt upptökum Skaftár vegna brennisteinsmengunar frá ánni. Upptök Skaftár eru úr Skaftárjökli í Vatnajökli austan við Langasjó. Ef verulega vex í ánni er hætta á að vatn flæði yfir veginn við Hólaskjól rétt við Eldgjá á Nyrðra fjallabaki. Náið er fylgst með framgangi hlaupsins.