Tilraunahreinsistöð á afgasi frá Hellisheiðarvirkjun gangsett í maí

Loftmengun í formi brennisteinsvetnis og koltvísýrings sem kemur úr borholum á Hellisheiði kann senn að heyra sögunni til. Í maí verður gangsett tilraunahreinsistöð sem dælir þessum efnum aftur niður í jörðina.

Greint er frá þessu í Viðskiptablaðinu í gær en uppsetning tilraunahreinsistöðvarinnar er viðleitni við að losna við mengunarefni á borð við koltvísýring (CO2) og brennisteinsvetni (H2S) sem nú fer óheft út í andrúmsloftið. Það er Mannviti verkfræðistofa sem hannar hreinsistöðina, en þetta er unnið sem forgangsverkefni á vegum Orkuveitu Reykjavíkur.

Mynd: Guðrún Tryggvaóttir við borholustrók á Hellisheiði. Ljósmynd: Birgir Þórðarson.