Latex í snertingu við matvæli

Umhverfisstofnun og Umhverfissvið Reykjavíkukrborgar hafa gefið út skýrslu starfshóps á þeirra vegum, þar sem lagt er mat á þá áhættu sem kann að stafa af aukinni notkun latexhanska í matvælaiðnaði og annarsstaðar við meðhöndlun matvæla.
Niðurstöður starfshópsins eru á þessa leið:
Samkvæmt upplýsingum sem hópurinn hefur undir höndum er ljóst að latex getur borist í matvæli úr hönskum sem notaðir eru við framleiðslu eða meðhöndlun matvæla. Latexofæmi er alvarlegur sjúkdómur, sem getur jafnvel leitt til dauða. Tíðni sjúkdómsins er ekki þekkt hér á landi, en þekkt er að tíðnin eykst með aukinni notkun latex. Þó e.t.v. sé ekki hægt að segja að vandmálið sé víðtækt verður að hafa það í huga að fyrir þá sem hafa latex ofnæmi er vandamálið alvarlegt og tíðnin gæti aukist með vaxandi notkun latex.
Sjá skýrsluna.