Ályktun um almenna vegi og ferðamannvegi - Landvernd

Aðalfundur Landverndar árið 2007, haldinn að Sólheimum í Grímsnesi, 5. maí 2007,
áyktar:

Brýnt er að við frekari uppbygginu vega um óbyggð svæði verði gerður greinarmunur á milli ferðamannavega og almennra vega bæði hvað varðar gerð vega og val á staðsetningu. Almennir vegir skulu þá almennt byggðir með það að leiðarljósi að gera vegfarendum og flutningabílum mögulegt að komast fljótt og örugglega á milli á́fangastaða. Ferðamannavegir skulu hinsvegar þjóna þeim tilgangi að gera ferðafólki, jafnt innlendum sem erlendum ferðamönnum, mögulegt að fara um áhugaverð svæði í þeirri hægð og í þeim áföngum sem hentar til skoðunar á landslagi og náttúrufari.

Til skýringar

• Ferðamannavegir eru sérstaklega ætlaðir umferð ferðamanna, sem njóta vilja
  landslags og náttúrufars. Þeir geta verið með ýmsu móti, eftir því um hvers
  konar umferð er verið að ræða.
  
• Ferðamannavegir skulu svo lagðir og byggðir, að þeir raski sem minnst landslagi því og náttúrufari, sem þeir liggja í og um, litið til öryggis umferðar og annarra þarfa.
  
• Ferðamannavegi skal miða við að þá megi aka með þeirri hægð og í þeim á́föngum, sem hentar til skoðunar á landslagi og náttúrufari, en eigi við að komast megi á sem skemmstum tíma milli staða, né að þeir skuli bera þungaumferð.
  
• Almennir vegir eru ætlaðir undir almenna umferð með þeim takmörkunum á hámarkshraða, sem á þeim eru sett, en taka ella mið af því að fólk og flutningur megi komast skjótt, hagkvæmt og örugglega milli staða.
  
• Vegir á miðhálendi Íslands verði að öðru jöfnu byggðir sem ferðamannavegir,
  en ýmsir vegir í byggð, eða á öðrum hálendum og óbyggðum, skulu líka lagðir
  og byggðir sem slíkar.