Lífrænt ræktuð íslensk jólatré frá Vallanesi á nýjum stað í Reykjavík

Eymundur Magnússon bóndi í Vallanesi í Fljótsdalshéraði hefur á undanförnum árum plantað um milljón trjám á landi sínu í Vallanesi, mikið af þeim stafafura [Pinus contora].

Allt sem Eymundur framleiðir hvort sem eru tré, kartöflur, bygg eða grænkál er ræktað með aðferðum lífrænnar ræktunar enda ber bú hans vottun frá vottunarstofunni Túni um 100% lífræna ræktun í Vallanesi. Bygg, olíur, grænmeti og tilbúnir réttir eru markaðssettir undir nafninu Móðir jörð og fást m.a. olíur og bygg frá Móður jörð hér á Náttúrumarkaðinum.

Nú er komið að fjórðu uppskeru nokkurra hundraða þessarar lífrænt ræktuðu stafafuru og munu þær vera á boðstólum  í Jólabænum á Hljómalindarreitnum við Laugaveg frá 18. - 23. des. frá kl. 13:00-22:00. Sjá nánar um Móður Jörð á vef fyrirtækisins www.vallanes.net.

Sjá Móður Jörð hér á Grænum síðum en nokkrar vörutegundir Móður Jarðar eru kynntar hér á Náttúrumarkaði. Birkiolía, Blágresisolía, Lífolía, og lífrænt byggmjöl.

Myndin er af stafafurum í Vallanesi.