Handverksmaður ársins 2007

Í gær var handverksmaður ársins valin úr hópi þátttakenda á Handverkshátíðinni í Hrafnagili. Kynning á Handverksmanni ársins hljómar á þessa lund:

• Handverksmaður ársins er landnámsmaður á vettvangi þjóðlegs íslensks handverks.
• Hann er frumkvöðull sem ber mikla virðingu fyrir viðfangsefni sína.
• Hann er óþreytandi talsmaður þess að við varðveitum þennan merka menningararf og skilum honum óbrotnum til komandi kynslóða.
• Hann er boðberi hugsjóna og spyr aldrei um verkalaun að kvöldi en leggur allt í sölurnar fyrir hugsjónir sínar.
• Hann leitar þekkingar hvar sem hana er að finna.
• Eins og aðrir hugsjónamenn hefur hann oft talað fyrir daufum eyrum.
• Að öllum öðrum ólöstuðum hefur Handverksmaður ársins með sífelldum brýningum og hvatningu þokað Handverkshátíðinni í Eyjafjarðarsveit nær því markmiði að geta talist vettvangur fyrir sýningu og kynningu á handverki sem stenst þær faglegu kröfur um vinnubrögð, verk- og efnisþekkingu sem gera þarf.
• Handverksmaður ársins er Guðrún Hadda Bjarnadóttir.

Á síðasta ári var útskurðarmeistarinn Ragnhildur Magnúsdóttir kosin Handverksmaður ársins á Handverkshátíðinni í Hrafnagili.

Efri myndin er af Guðrúnu Höddu við vefstólinn og sú neðri af Rönku í Kotinu, en svo er Ragnhildur nefnd. Ljósmynd: Guðrún Tryggvadóttir.