Aukaefni í snyrtivörum ógna heilsunni

Orð dagsins 27. október 2008.

Umhverfisstofnun Danmerkur (Miljøstyrelsen) hefur hleypt af stokkunum sérstöku átaki til að vekja athygli unglingsstúlkna á þeim hættum sem fylgja mikilli notkun á snyrtivörum. Samkvæmt könnun sem Miljøstyrelsen lét nýlega gera, nota rúmlega 70% 13-16 ára stúlkna snyrtivörur með ilmefnum daglega. Nær þriðjungur þeirra hefur fengið exem, útbrot eða kláða í tengslum við þessa notkun, og tiltölulega fáar eru meðvitaðir um að ilmvötn, hárlitir og hennatattú geti orsakað alvarleg og jafnvel lífshættuleg ofnæmistilfelli, sem stafa af litarefnum og ilmefnum í þessum vörum. Átak Miljøstyrelsen beinist sérstaklega gegn efninu p-fený lendíamín (PPD), en það er litarefni, sem m.a. er notað í hárliti og stundum ólöglega í hennatattú.
Lesið frétt IMS 24. október sl.
skoðið heimasíðu átaksins, www.hudallergi.dk/  
og rifjið upp „Orð dagsins“ 29. september sl.