Matur-Saga-Menning

Íslensk matarhefð og kynning á möguleikunum sem henni tengist er viðfangsefni félagsins Matur-Saga-Menning, en félagið heldur kynningarfund í Matarsetrinu miðvikudagskvöldið 26. september kl. 20:30. Fundurinn er ókeypis og opinn öllum áhugasömum.

Meðal þeirra sem koma fram á fundinum er Hildur Hákonardóttir og Hannes Lárusson, bæði myndlistarmenn með sterkar taugar til náttúrunnar. Hildur ræðir um sölvatöku og Hannes um notkun íslenskra jurta í drykkjarföng. Guðrún Hallgrímsdóttir ræðir sveppa- og berjanýtingu og Guðfinnur Jakobsson garðyrkjubóndi með meiru í Skaftholti tekur fjallagrösin fyrir.

Matarsetrið er að Grandagarði 8 (gegnt gömlu verbúðunum).

Sjá hvað Hildur segir um söl.
Sjá nánar um víngerð Hannesar.
Til að finna efni um t.d. fjallagrös, ber og sveppi hér á siðunni, sláið einfaldlega inn leitarorðið í leitarvélina efst fyrir miðju á síðunni.

Myndin er af fjallagrösum meðal ljónslappa og nokkurra lyngtegunda. Ljósmynd: Guðrún Tryggvadóttir.