Hver meinar umhverfisáherslur?

Prófkjör Samfylkingarinnar er að verða mjög áberandi í bæjarlífinu á stór-Reykjavíkursvæðinu þessa dagana. Samfylkingarmenn eru af öllum stærðum og gerðum, með og á móti stóriðjustefnunni og sum obbolítið út á grænu miðjuna og aðrir hreint ekki, eins og lesa má um í samanburðarspurningaleikjum dagblaðanna. Stefnan því ekki ljós hvað framtíðarstefnu flokksins varðar og Náttúran alveg græn í þessum flokkamálum. Reyni þó að átta mig á málunum með hjálp góðra manna. Þórhildur Þorleifsdóttir¹⁾ þorir að kenna sig við það sem hún stendur fyrir, náttúruverðmæti, kvenfrelsi, nýsköpun, menntun og allt það sem til fyrirmyndar má teljast (sjá auglýsingaborða hennar hér t.v. en hann birtist nú á mbl.is). En hvernig eru annars Samfylkingarkonur þenkjandi í umhverfismálum. Er Ingibjörg Sólrún Gísladóttir²⁾ og Steinunn Valdís Óskarsdóttir³⁾ tvímælalausir talsmenn endurskoðunar stóriðjustefnunnar? „Fagra Ísland“ virðist gefa fyrirheit um það, eða? En ef við leggjum jafnréttisgleraugun á hilluna þá má nefna Róbert Marshall⁴⁾ sem dugmikinn náttúruverndarsinna og Mörð Árnason^5). Minna má fólk á að úr breiðum hópi Samfylkingarþingmanna í SV-kjördæmi voru það aðeins Rannveig Guðmundsdóttir og Þórunn Sveinbjarnardóttir⁶⁾ sem greiddu atkvæði gegn Kárahnjúkavirkjun. Leggið endilega eitthvað til málanna í leggja orð í belg og bendið á alvarlega umhverfisþenkjandi frambjóðendur sem hér eru ekki nefndir eða bætið við punktum.

¹⁾sækist eftir 6.-8. sæti á lista Samfylkingarinnar í Reykjavíkurkjördæmi.
²⁾sækist eftir 1. sæti á lista Samfylkingarinnar í Reykjavíkurkjördæmi.
³⁾sækist eftir 4. sæti á lista Samfylkingarinnar í Reykjavíkurkjördæmi.
⁴⁾sækist eftir 4. sæti á lista Samfylkingarinnar í Suðurkjördæmi.
⁵⁾sækist eftir 4.-6. sæti á lista Samfylkingarinnar í Reykjavíkurkjördæmi.
⁶⁾sækist eftir 1.-2. sæti á lista Samfylkingarinnar í SV- kjördæmi.