Lakk og umhirða þess

Lakkið gegnir ekki einungis því hlutverki að gera bílinn fallegan. Lakkið hlífir bílnum gegn ryði og tæringu. Lakkið verður fyrir miklum álagi af völdum rigningar, vegasalts, loftmengunar, svifryks og sólarljóss. Eigi lakkið að geta mætt öllu þessu álagi til langframa er nauðsynlegt að halda því í horfinu.

Sérstaklega mikilvægt er að gera strax við litlar rispur á lakkinu eftir steinkast. Þá er ráðlagt að notast við lakkstifti sem er í upprunalit bílsins. Slík lakkstifti á að vera hægt að fá í umboðinu. Hreinsa skal ryðið fyrst burt með beittum hníf. Ef grunnlakkið hefur ekki hlotið skaða er nóg að hreinsa sárið með hreinsibensíni. Að lokum skal bera lakkið á sárið.

Síðast en ekki síst þarf að hugsa um lakk bílsins í heild. Ef lakkið lítur illa út er góð hugmynd að byrja með sérstöku lakkhreinsiefni en gættu þess að setja strax bónvax á bílinn á eftir að þú hefur notað lakkhreinsi.

Það margborgar sig að bóna bílinn 1-2 á ári. Það skiptir miklu máli að þvo bílinn vel áður en hann er bónaður. Bónaðu hvern blett í einu t.d. hurðina vinstra meginn. Bera skal vax á bílinn og gott ráð er að nota síðan gamalt handklæði til þess að pússa. Það borgar sig ekki að bóna bíla í sólskini eða of miklum hita/kulda. Æskilegt er að bóna bílinn að vori eða hausti svo að það sé hvorki gert í miklum kulda né miklum hita.