Nýjung í prentiðnaði - hjá Guðjóni Ó

Nú á dögunum kom til landsins ný r plötuskrifari hjá Guðjóni Ó. Um er að ræða byltingu í forvinnslu í prentiðnaði, þar sem stafrænar upplýsingar rata beint á prentplötuna. Þar sem filma dettur út minnkar notkun spilliefna og tækið er undir það búið að vinna svokallaða þurrplötu. Hönnun á henni gengur vel og reiknað er með þurrplata verði allsráðin hér á landi á næstu árum. Þessi nýja prentvinnslutækni skilar sér einnig í auknum gæðum og meira verkflæði. Vistvæn stefna er leiðandi hjá prentsmiðjunni hjá Guðjóni Ó. og hefur verið síðan árið 2000 þegar fyrst var sótt um Norræna Umhverfismerkið Svaninn.

Í skilyrðum Svansins eru gerðar kröfur sem ná til allra þátta prentunarinnar. Þar sem umhverfisáhrif af pappírsframleiðslu eru veruleg eru gerðar strangar kröfur um að pappírinn sem notaður er í Svansmerkt prentverk sé umhverfismerktur eða standist þær kröfur sem Svanurinn gerir til pappírsins. Prentsmiðjunni hefur tekist að minnka um nær helming notkun á isopropanoli við prentun, pappírsnýting hefur aukist verulega, en þessar aðgerðir leiða auðvitað til sparnaðar og eru því til hagsbóta fyrir fyrirtækið. Prentsmiðjan notar eingöngu jurtaliti við prentun á Svansmerktum vörum og og að stórum hluta þvottaefni sem innihalda jurtaolíur í stað lífrænna leysiefna, en það hefur í för með sér auk minnkaðs álags á umhverfið, mun heilnæmara starfsumhverfi fyrir starfsmenn, þar sem lífræn leysiefni hafa skaðleg áhrif á taugakerfi manna.
Sjá nánar um „Svaninn“ á vef Umhverfisstofnunar.