Framtíð Hengilssvæðisins

Viljum við útivisarsvæði eða Iðnaðarhverfi?

Þessari spurningu er varpað fram á nýjum vef hengill.nu sem gerður hefur verið sérstaklega til að benda á að við höfum eithvað að segja um Hengilssvæðið og að frestur til að gera athugasemdir við virkjanaáætlanir Bitruvirkjun við Ölkelduháls rennur út þ. 9. nóvember nk.

Í inngangstexta á vefnum segir:

VIÐ SPYRJUM OKKUR...

• Hvað þarf til að stöðva svona framkvæmd? Virkjunarsvæðið er skilgreint á náttúruminjaskrá. Svæðið er ennfremur skipulagt sem útivistarsvæði á aðalskipulagi Ölfuss staðfest af umhverfisráðherra í janúar 2005. Nægir þetta virkilega ekki???
• Hvernig má það vera að litlu sveitarfélagi sé heilmilt að þiggja greiðslu og þjónustu frá framkvæmdaraðilanum (sjá grein Stefáns Erlendssonar) þegar taka á ákvarðanir í svona mikilvægum málum sem í raun snerta alla þjóðina?
• Hvers vegna er umhverfismatið framkvæmt og kostað af Orkuveitu Reykjavíkur,
  sem einnig er framkvæmdaraðili virkjananna, en ekki af óháðum aðila?
  
• Hlþtur ekki eitthvað að vera athugavert við reglur um tilkynningaskyldun þegar
  mæta aðeins tveir og sjö manns á kynningarfundi um umhverfismat?

Sjá frétt um kynningu Orkuveitu Reykjavíkur á Bitru- og Hverahlíðarvirkjun þ. 4. október sl.
Myndin er af mastursfæti á einu af ótal möstrum sem fyrir eru á Hellisheiði. Ljósmynd: Guðrún Tryggvadóttir.