Neðri Háls fyrirtæki
Vottað lífrænt: Tún, haglendi, korn, mjólk, nautgripir; pökkun
Vörumerki: Bio-Bú
Vörur: Mjólk
Á býlinu Neðri Hálsi, Kjósahreppi stunda bændurnir Kristján Oddsson og Dóra Ruf lífrænan búskap. Á búinu er framleidd lífræn mjólk og er hún notuð til framleiðslu á lífrænni jógúrt, ís, skyri, rjóma og smjöri og markaðsett undir merkinu Biobú. Einnig er notuð lífrænt vottuð mjólk frá búunum Búlandi í Austur Landeyjum og Finnastöðum í Eyjafjarðasveit til framleiðslunnar. MS (Mjólkursamsalan) notar einnig lífræna mjólk frá Neðra Hálsi til markaðsetningar á ófitusprengdri drykkjarmjólk. Þá fellur eitthvað til af nautakjöti af nautum sem alin eru til kjötframleiðslu. Öll framleiðslan er vottuð lífræn frá Vottunarstofunni Túni.
Neðri-Háls
276
Mosfellsbær
http://www.biobu.is
Á Græna kortinu:
Vottanir og viðurkenningar:
Vottað lífrænt - Tún
Á Íslandi annast Vottunarstofan Tún eftirlit með lífrænni framleiðslu. Í lífrænni ræktun felst að varan hefur verið ræktuð með lífrænum aðferðum, án eiturefna, tilbúins áburðar, hormóna eða erfðabreyttra lífvera. Vottað er í samræmi við reglugerð Evrópusambandsins um lífræna landbúnaðarframleiðslu og reglur Túns um lífræna snyrtivöruframleiðslu og matreiðslu. Samkvæmt þeim er óheimilt að markaðssetja landbúnaðarvörur sem lífrænar nema þær hafi verið framleiddar í samræmi við ákvæði þessara staðla. Vottunin staðfestir að lífrænum aðferðum hafi verið beitt en metur ekki umhverfisáhrif vörunnar eða umbúða hennar.
