Bio-Bú ehf fyrirtæki
Vottað lífrænt: Mjólkurbú; vinnsla og pökkun
Vörumerki: Bio-Bú
Vörur: AB mjólk, jógúrt, grísk jógúrt, smjör, rjómi, skyr, skyrdrykkir, ostur og ís
Bio-Bú framleiðir vörur úr lífrænni mjólk. Upphaflega kom mjólkin aðeins frá býlinu Neðri Hálsi, þar sem bændurnir Kristján Oddsson og Dóra Ruf stunda lífrænan búskap en nú er lífrænt vottuð mjólk frá búunum Búlandi í Austur Landeyjum og Finnastöðum í Eyjafjarðasveit einnig notuð til framleiðslunnar. Öll framleiðslan er vottuð lífræn frá Vottunarstofunni Túni.
Gylfaflöt 24-30
112
Reykjavík
5874500
http://www.biobu.is
Á Græna kortinu:
Vottað lífrænt
Undirstaða lífræns landbúnaðar er frjósemi jarðvegs, skiptiræktun, lífrænn áburður og velferð búfjár með nægri útivist, rými og lífrænu fóðri. Afurðir má selja með tilvísun til lífrænna aðferða ef óháð vottunarstofa staðfestir að framleiðslan uppfylli staðla.
Vottanir og viðurkenningar:
Beint frá býli
Beint frá býli er samvinnuverkefni um sölu afurða beint frá býli bóndans á Íslandi. Markmið verkefnisins er að þróa vörumerki og veita bændum ráðgjöf og stuðning varðandi heimavinnslu og sölu. Einnig að miðla upplýsingum um verkefnið til framleiðenda og neytenda í gegnum heimasíðu verkefnisins. Að verkefninu stóðu; Háskólinn á Hólum, Lifandi landbúnaður, Ferðaþjónusta bænda, Landbúnaðarháskóli Íslands, Bændasamtök Íslands og Impra nýsköpunarmiðstöð.
Félagið „Beint frá býli - félag heimavinnsluaðila“ var síðan stofnað í byrjun árs 2008.
Vottað lífrænt - Tún
Á Íslandi annast Vottunarstofan Tún eftirlit með lífrænni framleiðslu. Í lífrænni ræktun felst að varan hefur verið ræktuð með lífrænum aðferðum, án eiturefna, tilbúins áburðar, hormóna eða erfðabreyttra lífvera. Vottað er í samræmi við reglugerð Evrópusambandsins um lífræna landbúnaðarframleiðslu og reglur Túns um lífræna snyrtivöruframleiðslu og matreiðslu. Samkvæmt þeim er óheimilt að markaðssetja landbúnaðarvörur sem lífrænar nema þær hafi verið framleiddar í samræmi við ákvæði þessara staðla. Vottunin staðfestir að lífrænum aðferðum hafi verið beitt en metur ekki umhverfisáhrif vörunnar eða umbúða hennar.
