Fjáröflunarkvöldverður fyrir nímenningana

Fimmtudaginn 25. nóvember nk. verður fjáröflunarkvöldverður fyrir nímenningana í Húsinu, Höfðatúni 12 (gamla húsnæði Borgarahreyfingarinnar, þar sem Food Not Bombs, bókasafn Andspyrnu og hjólaverkstæðið Keðjuverkun eru til húsa).

Húsið opnar kl. 20:00 en þau sem vilja aðstoða við eldamennskuna geta komið klukkan 17:00. Einnig er fólki velkomið að koma með mat sjálft og leggja þannig sitt til kvöldsins.

Maturinn verður framreiddur gegn frjálsum framlögum sem renna beint í lögfræði- og stuðningssjóð nímenninganna. Einnig verður boðið upp á tónlist og stutta kynningu á dómsmálinu.

Allir velkomnir og látið orðið berast!

Frekari upplýsingar á vefsíðunum Reykjavík Roots og Reykjavík Níu.