Vindum, vindum vefjum band

Markmið: Kynnast, læra nöfn, hópefli og skemmtun.

Aldursmörk: Frá 2 ára

Leiklýsing:

Vindum, vindum vefjum band
vefjum smátt sem húfuband
fyrir Lillu höfuð hneigjum
fyrir Lillu búkinn beygjum
svo skal Lilla snúa sér

Allir ganga í hring á meðan Vindum, vindum vefjum band vefjum smátt sem húfuband er sungið og hneigja höfuðið og beygja búkinn þegar sagt er fyrir um það í textanum. Loks er sungið og svo skal Lilla snúa sér. Barnið snýr sér og nú öfugt við hin börnin í hringnum. Þá er söngurinn sunginn að nýju og annað barn nefnt. Það snýr sér líka við og þannig er haldið áfram þangað til öll börnin snúa bakinu inn í hringinn. Þá er sungið Fyrir öllum höfuð hneigjum, fyrir öllum búkinn beygjum og svo skulu allir snúa sér og þá snúa allir rétt.