Farfuglaheimilið Ytra Lón fyrirtæki
Tegund bús: Sauðfjárbú og ferðaþjónusta. Fjárhús með sjálffóðrunaraðstöðu.
Opnunartími: Opið alla daga yfir vetrartímann þegar fé er á húsi, frá byrjun desember og fram yfir sauðburð.
Við tökum á móti: Hópum, skólabörnum og einstaklingum á öllum aldri. Góð enskukunnátta, norðurlandamál og hollenska.
Leiðsögn: Tekið er á móti gestum og leiðsögn veitt um búið.
Annað: Gisting allt árið. Stuttar hestaferðir á kvöldin, heitur pottur og silungsveiði í Lóninu fyrir fólk sem gistir. Fallegar gönguleiðir, fjölbreytt fuglalíf.Grænt farfuglaheimili.Málverkasölusýing.
Ytra Lón
681
Þórshöfn
8466448
ytralon@hostel.is
hostel.is/ytralon
Á Græna kortinu:
Vottanir og viðurkenningar:
Opinn landbúnaður
Velkomin í sveitina!
Með Opnum landbúnaði gefst almenningi tækifæri á að heimsækja bóndabæi og kynna sér þau störf sem unnin eru í sveitum landsins. Merki Opins landbúnaðar er ekki vottun sem slík heldur merki sem auðkennir öll býlin sem eru í samstarfi við Bændasamtök Íslands undir nafni Opins landbúnaðar. Þau eru þversnið af íslenskum landbúnaði í dag. Allir bæirnir hafa vottorð frá dýralæknum um heilbrigði.
Áður en heimsókn er ákveðin er gott að hafa í huga mismunandi aðstæður á bæjunum, t.d. salernisaðstöðu, möguleika á að tylla sér og snæða nesti og annað þess háttar.
Bændur taka gjald fyrir heimsóknir, mismikið eftir eðli og umfangi þjónustunnar. Í langflestum tilfellum er eingöngu hægt að taka við reiðufé og eru gestir vinsamlegast beðnir að hafa það í huga.
Grænt Farfuglaheimili
Til að hvetja rekstraraðila farfuglaheimila á Íslandi til að vinna markvisst að umhverfismálum ákvað stjórn Farfugla árið 2003 að þau farfuglaheimili sem uppfylla ákveðin viðmið á sviði umhverfismála fái heimild til að kalla sig Græn farfuglaheimili. Því til staðfestingar fá þau að nota umhverfismerki samtakanna. Þessi viðmið byggja á almennum gæðastöðlum sem öll farfuglaheimili þurfa að uppfylla. Til að fá heimild til að nota umhverfismerkið þurfa heimilin auk þess að uppfylla ýmis viðbótarskilyrði sem tengjast umhverfismálum.
Lögð er áhersla á að hér er ekki um viðurkennda umhverfisvottun að ræða heldur viðmið sem samtökin setja og hafa eftirlit með, með aðstoð frá óháðum aðila.