Aðalfundur Landverndar 2011

Aðalfundur Landverndar verður haldinn að Nauthóli í Nauthólsvík fimmtudaginn 26. maí kl. 16.00 og opnar húsið kl. 15.45.

Í kjölfar venjulegra aðalfundarstarfa verður boðið upp á hringborðsumræður þar sem sjónum verður beint að „umgengni við landið“. Á mörgu er að taka og vonast stjórn og starfsmenn Landverndar til að með hjálp fundargesta verði hægt að varpa ljósi á brýnustu verkefnin og leiðir til úrlausna. Landvernd hvetur náttúruverndarfólk eindregið til að fjölmenna á fundinn og taka þátt í hringborðsumræðum.

Á aðalfundi verður kosið til stjórnar og eru fimm í kjöri sem endranær, þar af fjórir stjórnarmenn, auk formanns. Auk þess kýs aðalfundur skoðunarmenn reikninga. Þau Heiðrún Guðmundsdóttir, Tryggvi Felixson og Þóra Ellen Þórhallsdóttir hafa verið skipuð í uppstillingarnefnd aðalfundar.

Þeir sem vilja koma ábendingum um nýja stjórnarmenn og formann á framfæri við uppstillingarnefnd geta sent skilaboð á netfangið landvernd@landvernd.is. Ábendingar þurfa að berast eigi síðar en sunnudaginn 22. maí. Farið verður með allar ábendingar sem trúnaðarmál.

Dagsrká:

15:45 Húsið opnar - skráning

16.00 Aðalfundarstörf hefjast

• Ávarp Svandísar Svavarsdóttur umhverfisráðherra
• Kjör fundarstjóra og fundarritara
• Formaður flytur skýrslu um starfsemina undangengið starfsár
• Kynning á ársreikningum fyrir 2010
• Kynning á tillögum að ályktunum aðalfundar
• Kosning til stjórnar og skoðunarmanna reikninga
• Kynning á ferðum Landverndar í sumar

17:15 Umgengnin við landið

• Hringborðsumræður að hætti heimskaffis

18:45 Afgreiðsla ályktana

19:15 Ilmandi súpa

Minnt er á að til þess að öðlast atkvæðisrétt á aðalfundi þurfa félagar og aðildarfélög að hafa greitt árgjaldið 2010-2011.

Vinsamlegast skráið þátttöku í síma 552 5242 eða sendið tölvupóst á landvernd@landvernd.is.

Fundurinn er öllum opinn og nýir félagar eru velkomnir.