Jólamarkaður Ásgarðs

Handverkstæðið Ásgarður í Mosfellsbæ heldur sinn árlega jólamarkað laugardaginn 03.12.2005. Í boði eru handgerð tréleikföng og hlutir sem eiga sér samsvörun í íslenskum þjóðháttum. Ásgarður er vinnustaður 28 þroskaskertra einstaklinga sem unnið hafa hörðum höndum allt árið við undirbúning markaðarins.
Allir eru hjartanlega velkomnir og munu þau Diddú og Egill Ólafsson taka lagið og skemmta gestum. Kaffi og með því er einnig á boðstólum.
Markaðurinn er haldinn á handverkstæðinu við Álafossveg í Mosfellsbæ og er opnn frá kl. 14:00 - 17:00.