Af hverju eru sebrahestar svartir og hvítir?

Eins og allir vita eru sebrahestar með svartar og hvítar rendur. En af hverju?  Af hverju eru þeir t.d. ekki fjólubláir og appelsínugulir?

Svarið er einfaldara en sýnist í fyrstu. Þau dýr sem aðallega veiða sebrahesta eru ljón. Sebrahestar eru meira að segja uppáhaldsfæða ljónanna. En eins og öll kattardýr sjá ljónin heiminn í svörtu og hvítu. Þannig eru sebrahestarnir alveg sérstaklega að fela sig fyrir ljónunum með því að vera svart og hvít röndóttir. Ljónin horfa á sebrahestana í svart hvítu í háu grasinu á gresjum Afríku og sjá bara alls ekki neitt.

Svona eru ástæður fyrir öllum hlutum. Og úr því að ég er að tala um feluliti, þá ætla ég bara að minnast á að ef þið farið til Costa Rica eða inn í Amason regnskóginn sjálfan og sjáið skrautlegan frosk, þá skuluð þið alls ekki kyssa hann. Skær litur á froskum er merki um að þeir séu baneitraðir og þeir breytast ekki í prinsessur þótt þið reynið. Það er því betra að virða þá bara fyrir sér úr hæfilegri fjarlægð.

Góðar stundir.

Ljósmynd: Zebra hestar, af Wikipedia.