Írskt boxty

Takið 500 g af gróft niðurrifnum kartöflum með skinni eða án. Reynið að áta vökvann síga sem mest frá jafnvel með því að kreista kartöflurnar létt í hreinum klút. Bætið út í ögn af hveiti og salti svo allt hangi saman. Setjið beikon eða aðra feiti á stóra pönnu. Skellið kartöflumassanum á pönnuna og látið malla í feitinni upp undir hálftíma. Snúið, með því að setja lok eða disk yfir pönnuna, snúa snöggt og láta kökuna falla á lokið og smeygja henni svo aftur á pönnuna og brúna á hinni hliðinni. Einfaldara er þó að stinga pönnunni undir grillið.

Úr „Blálandsdrottningin og fólkið sem ræktaði kartöflurnar“  eftir Hildi Hákonardóttur. Bókin er fáanleg hér á Náttúrumarkaðinum.