Skráargatið, merki sem á að gefa til kynna að tiltekin vara sé „hollari“ en sambærilegar vörur á markaði hefur verið notað á nokkrar íslenskar vörur, aðallega mjólkur- og brauðvörur, jafnvel þó að Matvælastofnun hafi ekki enn fengið leyfi til notkunar merkisins frá Livsmedelsverket í Svíþjóð, sem er rétthafi merkisins. Ekki hefur heldur verið ákveðið hver fer með eftirlit og úttektir fyrir þá sem óska eftir að fá að nota merkið á vörur sínar hér á landi. Merkið er því markleysa enn sem komið er.

Drög að reglugerð liggur fyrir hjá sjávarútvegs- og landbúnaðarráðuneytinu en endanleg útgáfa reglugerðar hefur ekki enn verið birt um Skráargatið. Það er því greinilega um frumhlaup að ræða þeim aðilum sem nú þegar nota merkið en slíkt getur ekki gert annað en skaða trúverðugleika merkisins í augum almennings.

Náttúran hefur óskað eftir skýringum hjá sjávarútvegs- og landbúnaðarráðuneytinu og mun birta þær um leið og þær berast.

Sjá frétt um Skráargatið frá 17. 02.2011.

Á vef MS er grein um Skráargatið og þess getið að það hafi ekki enn verið formlega tekið í notkun hér á landi en engu að síður eru vörur frá MS merktar skráargatinu.

Byggi íslenskt morgunkorn er merkt skráargatinu, án nokkurra fyrirvara.

Þrjár brauðtegundir frá Myllunni eru sagðar uppfylla skilyrði Matvælastofnunar fyrir Skráargatið á vef Myllunnar.

Birt:
14. ágúst 2012
Uppruni:
Náttúran.is
Tilvitnun:
Guðrún Arndís Tryggvadóttir „Frumhlaup eða misskilningur - Íslenskar vörur merktar Skráargatinu nú þegar“, Náttúran.is: 14. ágúst 2012 URL: http://nature.is/d/2012/08/14/frumhlaup-eda-misskilningur-islenskar-vorur-merkta/ [Skoðað:28. mars 2017]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
breytt: 15. ágúst 2012

Skilaboð: