Orkunýtingarflokkur, biðflokkur og verndarflokkur?
Landvernd boðar til opins fundar, laugardaginn 15. október frá kl. 11:00-14:00, í Farfuglaheimilinu í Laugardal, um drög að þingsálykuntartillögu um vernd og orkunýtingu náttúrusvæða. (www.rammaaaetlun.is). Í drögum iðnaðarráðherra og umhverfisráðherra er gert ráð fyrir skiptingu svæða í orkunýtingarflokk, biðflokk og verndarflokk.
Á laugardagsfundinum mun Friðrik Dagur Arnarson, fulltrúi frjálsra félagasamtaka í verkefnisstjórn um Rammaáætlun, flytja erindi um tillögudrög iðnaðarráðherra og umhverfisráðherra. Í kjölfarið verður opnað fyrir umræður.
Félagsmenn Landverndar og annað áhugafólk um náttúruvernd er hvatt til að mæta og taka þátt í umræðum um þetta mikilvæga mál. Heitt á könnunni.
Náttúruverndarsamtök vinna nú að sameiginlegri umsögn um tillögurnar, en umsagnarfrestur er til 11. nóvember. Landvernd hvetur almenning til að kynna sér tillögurnar á www.rammaaaetlun.is og koma skoðunum sínum á framfæri.
Birt:
Tilvitnun:
Landvernd „Orkunýtingarflokkur, biðflokkur og verndarflokkur?“, Náttúran.is: 12. október 2011 URL: http://nature.is/d/2011/10/12/orkunytingarflokkur-bidflokkur-og-verndarflokkur/ [Skoðað:20. apríl 2024]Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
