Nýr vettvangur fyrir útikennslu í fæðingu

Nýlega var vefnum utinam.is settur í loftið en tilgangur vefsins er að safna saman upplýsingum um hvað er í boði á sviði útináms á landinu og byggja upp vettvang fyrir skoðanaskipti um útinám og útikennslu. Um þessar mundir er verið að leita til skóla um upplýsingar um það sem er í boði í hverjum skóla fyrir sig.

SNÚ - Samtök náttúru- og útiskóla standa að vefnum en samtökin voru stofnuð fyrir einu og hálfu ári síðan í þeim tilgangi að vinna að eflingu náttúru- og útináms á Íslandi og stuðla að aukinni umræðu um útinám og útikennslu í samfélaginu.

Tilgangi sínum hyggst félagið ná með því:

1. Að vera í forustu fyrir þróun útináms á Íslandi.
2. Að vera sameiginlegur vettvangur útikennsluaðila.
3. Að vera tengiliður milli útikennsluaðila og stjórnvalda
4. Að vera tengiliður erlendra samskipta á Íslandi á sviði útináms og útikennslu.
5. Að byggja upp vettvang fyrir skoðanaskipti um útinám og útikennslu.
6. Að sameina krafta útikennsluaðila á Íslandi og styrkja þannig markvisst samstarf þeirra.

Skoða utinam.is.
Mynd: Drengir í fjöruferð. Ljósmynd: Guðrún Tryggvadóttir.