Farfuglaheimilið í Húsey fyrirtæki
Á Græna kortinu:
Íslenski hesturinn
Íslenski hesturinn er smávaxinn en mjög þolinn. Hann hefur fimm gangtegundir: fet, brokk, stökk, tölt og skeið. Hér kortleggjum við aðila sem veita upplýsingar eða bjóða upp á hestaferðir.
Selaskoðun
Tvær tegundir sela kæpa við Ísland, landselur og útselur. Fylgist vel með sjávarföllum áður en lagt er í selaskoðunarleiðangur. Hér kortleggjum við nokkra góða útsýnisstaði fyrir selaskoðun og aðila sem bjóða upp á selaskoðunarferðir.
Vottanir og viðurkenningar:
Grænt Farfuglaheimili
Til að hvetja rekstraraðila farfuglaheimila á Íslandi til að vinna markvisst að umhverfismálum ákvað stjórn Farfugla árið 2003 að þau farfuglaheimili sem uppfylla ákveðin viðmið á sviði umhverfismála fái heimild til að kalla sig Græn farfuglaheimili. Því til staðfestingar fá þau að nota umhverfismerki samtakanna. Þessi viðmið byggja á almennum gæðastöðlum sem öll farfuglaheimili þurfa að uppfylla. Til að fá heimild til að nota umhverfismerkið þurfa heimilin auk þess að uppfylla ýmis viðbótarskilyrði sem tengjast umhverfismálum.
Lögð er áhersla á að hér er ekki um viðurkennda umhverfisvottun að ræða heldur viðmið sem samtökin setja og hafa eftirlit með, með aðstoð frá óháðum aðila.
