Nature.is

Eldsneytisnotkun

Megnið af innfluttu eldsneyti Íslendinga er notað við fiskveiðar og í samgöngum eða um 90% af innfluttri olíu. Þessir tveir flokkar nota álíka mikið en hlutur samgangna hefur þó farið vaxandi með auknum fjölda bifreiða. Bifreiðaeign landsmanna hefur aukist úr 70 þúsund bifreiðum árið 1974 í 200 þúsund árið 2004. Akstur á hvern fólksbíl hefur minnkað samhliða þessari miklu fjölgun bifreiða og er nú áætlaður um 12.600 km/bíl á ári.
Árið 2004 voru 82% bifreiða með bensínmótor en 18% gengu fyrir díselolíu.

Árleg olíunotkun farartækja hér á landi er um 200 þúsund tonn sem er um 650 kg á hvern íbúa landsins. Það er mjög mikilvægt að leita allra leiða til að draga úr eldsneytisnotkun. Í fyrsta lagi er olíukostnaður stærsti orkuútgjaldaliður meðalheimila og í öðru lagi leiðir brennsla olíu til útblásturs gróðurhúsaloftegunda. Brennsla jarðeldsneytis stuðlar að neikvæðum loftslagsbreytingum sem er að verða stærsta sameiginlega umhverfisógn heimsins. Við bruna jarðefnaeldsneytis, sem að stærstum hluta er kolefni, myndast mikið magn koldíoxíðs (CO₂). Koldíoxíð er ein þeirra lofttegunda sem valda auknum gróðurhúsaáhrifum en 70% af útblæstri koldíoxíðs er tilkominn vegna brennslu jarðefnaeldsneytis.

Í einni olíutunnu eru um 120 kg. Það þarf því að flytja inn tæplega 6 tunnur á ári fyrir hvern Íslending vegna notkunar í samgöngum.

Bílar verði merktir með orkumerki

Sænsku neytendasamtökin leggja til að nýir bílar verði merktir á sama hátt og ný heimilistæki miðað við hversu orkusparandi þeir eru og hversu mikið þeir menga. Heimilistæki eins og ísskápar og þvottavélar eru merkt með tilliti til orkunotkunar með mjög skýrum hætti þar sem notkunin er greind í nokkra flokka. Á sama hátt væri hægt að merkja nýja bíla til glöggvunar fyrir kaupendur sem vilja vita hversu mikið tiltekinn bíll mengar, hversu mikið koldíoxíð hann losar og s.frv. Fram hefur komið í könnunum ný verið að allt að helmingur fólks á Norðurlöndunum og Vestur-Evrópu er tilbúinn til að greiða meira fyrir vörur og þjónustu ef tryggt er að það dregur úr losun gróðurhúsalofttegunda og hægir á hlýnun jarðar.

Svipuð flokkun bifreiða hefur verið stunduð í Danmörku í nokkur ár. Þar er hægt að fara á vefinn www.hvorlangtpaaliteren.dk og finna þar bæði notaðar og nýjar bifreiðar til að finna út hversu umhverfisvænar þær eru og sjá í hvaða orkuflokki þær lenda.

Íslensk reiknivél þegar til á Orkusetur.is
Ofangreindar upplýsingar komu fram á vef Umhverfisstofnunar í fyrradag en á vef Orkuseturs hefur siðan í sumar verið hægt að nálgast einkunnareiknivél sem mælir eyðslu og kolefnisútblástur og gefur bílnum þínum einkunn. Einkunnarútreikningar sem Orkusetur styðst hér við eru byggðir á dönsku fyrirmyndinni og á sömu forsendum og Evrópska orkumerkið byggir á. Sjá frétt.

Sjá vef sænsku neytendasamtakanna.

Sjá viðmið Náttúrunnar fyrir orkumerki.

Ruslahaugur nútímans verða gullnámur og olíulindir framtíðar

Lifnaðarhættir okkar í dag ganga út á gengdarlausa sóun. Ein lítil heimsókn á skyndibitastað kostar haug af rusli. Við kaupum ódýra og lélega vöru sem endist ekkert. Nýjum reiðhjólum er hent að hausti, útlilegugræjurnar eru skildar eftir á tjaldstæðinu, handverkfæri þola ekki notkun og dagblöðum og auglýsingapósti rignir yfir okkur. Allur þessi varningur verður að rusli og endar á ruslahaugunum. En ef við skoðum venjulegt heimilissorp þá má skipta því í þrjá flokka: Efni ýmiskonar, lífrænn úrgangur og brennanlegur úrgangur.

• Efnin eru málmar og gler.
• Lífrænn úrgangur eru matarleifar.
• Brennanlegur úrgangur er pappír, pappi, plast og timbur.

Semsagt, hráefni, orka og orka...

Í dag er ruslaiðnaðurinn frumstæður. Mestmegnis af ruslinu er safnað saman, pressað í bagga og þeir settir í geymslu á ruslahaugum. Semsagt, það er verið að byggja upp lagera fyrir framtíðina til að vinna úr. Hráefnin og lífrænni úrgangurinn er þar saman í bland. Hráefnin fara ekki neitt en lífrænni úrgangurinn brotnar niður og rotnar. Við það losnar metan-gas sem er hrein orka. Sorpa vinnur gott verk með því að klæða haugana með plastdúk og byggja söfnunarkerfi sem fangar metanið áður en það sleppur út í andrúmsloftið. Að vísu hægir þessi baggapressa á rotnuninni en vonandi kemur það ekki að sök. Það væri óskandi að bílafloti höfuðborgabúa myndi nýta sér þetta betur og keyra á metan-gasi. Til að ná sem bestum árangri á sem skemmstum tíma þyrfti að hefja átak sem beindist að þeim bílum sem keyra hvað mest. Hér væri mjög sniðugt að beina athyglinni að ruslabílum, en með því myndi hringurinn lokast. Einnig ber að skoða strætisvagna, leigubíla og vinnubíla sem eru í stöðugum akstri. Það nægir að leita til eigenda þessara ökutækja, sem flestir eru opinberir aðilar og þar ætti ákvörðunin að vera auðveld, vilji er allt sem þarf.

Hvernig bíl vilt þú?

Reykjavík Energy Invest

Reykjavik Energy Invest, nýstofnað fjárfestingafélag Orkuveitu Reykjavíkur bætist í orku- útrásarsveitina í dag. Undir stjórn Bjarna Ármannssonar fv. forstjóra Glitnis hyggst fyrirtækið standa að djúpborunarverkefnum ásamt Geysir Green Energy og kostnaðarsömum rannsóknum með það að markmiði að flytja út tækniþekkingu á þessu sviði. Útrás REi hefst í raun formlega Í dag þegar forsvarsmenn fyrirtækisins undirrita viljayfirlýsingu um samstarf við stærsta orkufyrirtæki Indónesíu. Einnig er á dagskrá að fá bandaríska fjárfestingabankann Goldmenn Sachs sem hluthafa í REI.

Myndin er af Drillmec HH 300 sem nú er kominn á Hellisheiðina til að hefja tilraunaboranir.
Sjá grein um stóru borana þ.á.m. Drillmec HH300.