Nature.is

Kreppan seinkar þróun á vistvænni orkugjöfum

Orða dagsins 30. september 2008.

Yfirstandandi lausafjárkreppa gæti seinkað þróun lífeldsneytis, bæði vegna þess að lánsfé er nú dýrara og óaðgengilegra en áður og vegna þess að stjórnvöld einstakra ríkja gætu neyðst til að draga úr styrkjum og niðurgreiðslum til rannsókna og framleiðslu á endurnýjanlegri orku. Þannig hefur Barack Obama, forsetaefni Demókrataflokks Bandaríkjanna, sagt að hann gæti þurft að endurskoða áætlanir sínar um fjárfestingar í endurnýjanlegri orku, til að vega að einhverju leyti upp á móti hugsanlegu 700 milljarða dollara neyðarframlagi ríkisins til fjármálageirans.
Lesið frétt PlanetArk/Reuter í dag 

Orka virkjuð úr ölduhreyfingum

Orð dagsins 26. september 2008.

Fyrsta sjávarorkuverið sem selur raforku inn á landsnet, var tekið í notkun í Portúgal í fyrradag. Í verinu, sem er staðsett um 5 km frá landi, er notast við svonefnda Pelamis- eða sjósnákatækni, sem byggir á löngum samsettum hólkum sem mara í hálfu kafi og breyta ölduhreyfingum í raforku. Þrír slíkir 140 m langir „snákar“ eru í verinu með samanlagða framleiðslugetu upp á 2,25 MW, sem á að nægja sem raforka fyrir um 1.500 heimili.

Kostnaður við verkefnið, sem nefnt er Agucadoura, er kominn í um 8,5 milljónir evra, (um 1,2 milljarða ísl. kr.). Aðstandendur Agucadoura-verkefnisins stefna að því að bæta 22 „snákum“ við orkuverið á næstu árum og auka þannig framleiðslugetuna í 21 MW. Orkan frá verinu er ekki samkeppnisfær í verði, en verður niðurgreidd þar sem um tilraunastarfsemi er að ræða. Vonast er til að innan 15 ára verði nýting sjávarorku orðin álíka þróuð og nýting vindorku er í dag.

Lesið frétt PlanetArk/Reuter í gær,
rifjið upp „Orð dagsins“ 28. febrúar 2007
og fræðist meira í Wikipediu

Driving Sustainability '08

Nú er lokið ráðstefnunni Driving Sustainability '08 sem haldin var dagana 18. og 19 september s.l. Fjölmargir fyrirlesarar úr ýmsum áttum kynntu markið fyrirtækja sinna eða tjáðu skoðanir sínar á þróun tækni til vistvænni aksturs. Margir vilja, með nokkrum sanni, meina að akstur verði aldrei vistvænn. En það er líka ljóst að ekki getur haldið fram sem horfir því einn góðan veðurdag verður enga meiri olíu að fá. Olían sem við erum að ganga á er lífmassi sem safnaðis upp á miljónum ára og má því segja að þar sé um samþjappaða sólarorku þessa tíma að ræða. Og okkur er að takast að brenna henni upp á 100 til 200 árum. Við það losnar líka kolvísýringur og önnur efni sem bundust í þennan massa á þeim miljónum ára sem tók þess lög að myndast. Í jarðfræðilegu samhengi má líklega líkja olíuvæðingunni við sprengingu eða stórkostlegar náttúruhamfarir. Þessi losun efna í andrúmsloftið veldur ójafnvægi sem erfitt er að stemma stigu við og nú óttast Sameinuðu þjóðirnar og vísindamenn loftlagsnefndarinnar (IPCC) að ef ekki veri eitthvað verulegt gert til að draga úr þessu ójafnvægi muni koma að vendipunkti hvaðan ekki verður aftur snúið. Þá muni náttúran sjálf bregðast við með veðurfarsbreytingum sem kollvarpi mannlegu samfélagi eins og við þekkjum það auk þess að kosta fjölmargar tegundir lífvera tilveru sína. Framleiðendur ökutækja hafa oft verið sakaðir um að hafa dregið lappirnar í breytingum á driforku bifreiða vegna hagsmunatengsla við olíuiðnaðinn. Kvikmyndin Who Killed the Electric Car? var gerð um rafbíl sem kom á markað í Kaliforníu fyrir nokkrum árum og var svo kallaður aftur til baka þrátt fyrir góðan reynslu. Höfundur myndarinn Cris Paine var einn af fyrirlesurum ráðstefnunnar og verður myndin sýnd í Háskólabíó sunnudaginn 21. sept. kl. 15:00.

Fyrsta skrefið í löngu samstarfi

Jafnvel Abu Dhabi og Katar sjá þörfina