Nature.is

Grænmetisætur stofna samtök

,,Við erum ekki mörg , en við erum fólk með heita lífssýn og ríka þörf fyrir að umgangast aðra sem skilja okkur,” segir Sæunn I. Marinósdóttir en grænmetisætur ætla að stofna samtök á laugardag sem eiga að standa fyrir fræðslu og viðburðum og stuðla að auknu framboði vara sem henta þörfum grænmetisæta, auka þekkingu og skilning á lífsstíl grænmetisæta og stunda virka hagsmunagæslu.

Sæunn Ingibjörg segir að hópurinn Íslenskar grænmetisætur hafi lengi starfað á Facebook með um 700 meðlimi. Þeir eigi það sameiginlegt að telja að ýmislegt megi betur fara, varðandi framboð í verslunum og á veitingahúsum. ,,Við héldum undirbúningsfund í mars og lögðum línurnar,” segir Sæunn sem hætti að borða rautt kjöt þegar hún var sautján ára. ,,Smám saman tók ég fleiri fæðutegundir í burtu og núna er ég vegan og borða engar dýraafurðir, hvorki kjöt, egg né mjólkurafurðir. Þá kaupi ég ekkert úr dýraríkinu, hvorki ull né leður,” segir Sæunn og bætir við að það gangi ekki allir svona langt. ,,Það er pláss fyrir margskonar lífsstíl í okkar röðum.”

Sjálf er hún grænmetisæta af samviskuástæðum: ,,Það er út af dýravernd og umhverfismálum. Ég hef miklu betri samvisku nú en áður.”

Aðstandendur nýja félagsins vonast er til að starfsemi þess muni styrkja enn frekar það lifandi samfélag sem myndast hefur meðal grænmetisæta á Íslandi. Fundurinn verður haldinn í sal Lifandi markaðar í Borgartúni 24.

Sjá Facebooksíðu íslenskra grænmetisæta.

Ljósmynd: Nýuppteknar gulrætur, Guðrún A. Tryggvadóttir.

Ís og klakar

Eins og í sælgæti er ógrynni af litarefnum í ís og frostpinnum.  Sum þessara litarefna eru unnin úr hráolíu eða kolatjöru.  Brilljant blátt FCF (E-133) t.d. er að finna í ís. Efnið var lengi bannað í sumum löndum Evrópu en hefur nú verið leyft vegna reglna innan ESB. Efnið er unnið úr kolatjöru og það getur framkallað ofnæmisviðbrögð. Viss ótti er við að efnið geti verið krabbameinsvaldandi í miklu magni en það hefur þó ekki verið sannað nema hjá rottum. Önnur litarefni í sælgæti sem eru unnin úr hráolíu eru t.d.  E-110 (Sunset Yellow FCF) og E-129 (Allúra rautt AC). Einnig eru ýmis bindiefni sem binda vatn í ísnum og gætu hugsanlega stuðlað að vökvasöfnun í líkamanum.

Af E efna tóli Náttúrunnar fyrir farsíma, skoða e.natturan.is hér.

Grafík: Ís og klakar, af E efna tóli Náttúrunnar, Guðrún A. Tryggvadóttir.

Hver eru umhverfisáhrif íslensks matvælaiðnaðar?

Matís, Nýsköpunarmiðstöð Íslands, Háskóli Íslands og Samtök iðnaðarins halda opið málþing um íslenskan matvælaiðnað, umhverfismál og vistvæna nýsköpun, laugardaginn 20. apríl kl. 13-17 í Háskólatorgi Háskóla Íslands.  Þar verður fjallað um græna hagkerfið og stefnu stjórnvalda í þeim málum. Sagt verður frá Evrópuverkefnunum Ecotrofoods (www.ecotrophelia.eu) og Converge (www.convergeproject.org) og hvernig staðið er að því að minnka umhverfisáhrif í matvælaiðnaði á Íslandi. Þá verður efnt til sýningar og kynningar á verkefnum nemenda í vistvænni nýsköpun matvæla og afhent verðlaun fyrir besta verkefnið.

Dagskrá viðburðarins í heild er eftirfarandi:

13.00-15.00 Málþing
13.00-17.00 Sýning
15.00-16.00 Verðlaunaafhending í keppni nemenda um vistvæna nýsköpun matvæla

Dagskrá málþings:

13.00-13.20 Græna hagkerfið og íslensk matvælaframleiðsla. Skúli Helgason, formaður nefndar um eflingu græns hagkerfis á Íslandi.
13.20-13.40 Umhverfismál og íslenskur matvælaiðnaður. Bryndís Skúladóttir, forstöðumaður umhverfismála hjá Samtökum iðnaðarins
13.40-14.00 Verðmætasköpun og áskoranir í umhverfismálum, Sveinn Margeirsson, forstjóri Matís
14.00-14.20 Vistvæn nýsköpun matvæla. Fanney Frisbæk, verkefnisstjóri orku- og umhverfistækni, Nýsköpunarmiðstöð Íslands
14.20-14.40 Converge verkefnið.  Kristín Vala Ragnarsdóttir, prófessor við Jarðvísindadeild Háskóla Íslands
14.40-15.00 Umræður

Fundarstjóri: Guðjón Þorkelsson, sviðsstjóri, Matís.

Myndin er samklippa ljósmynda Guðrúnar Tryggvadóttur.

Sælgæti

Börnin okkar verðskulda það besta og hreinasta sem völ er á. Líkami barna er mun minni en okkar fullorðnu, og börnin þola því minna af hættulegum efnum þar sem áhrif slíkra efna eru oft minni eftir því sem líkamsþyngd er meiri. Í sælgæti er ógrynni af litarefnum. Sum þessara litarefna eru unnin úr hráolíu eða kolatjöru. Brilljant blátt FCF (E-133) er t.d. að finna í sælgæti. Efnið var lengi bannað í sumum löndum Evrópu en hefur nú verið leyft vegna reglna innan ESB. Efnið er unnið úr kolatjöru og það getur framkallað ofnæmisviðbrögð. Viss ótti er við að efnið geti verið krabbameinsvaldandi í miklu magni en það hefur þó ekki verið sannað nema hjá rottum. Önnur litarefni í sælgæti sem eru unnin úr hráolíu eru t.d. E-110 (Sunset Yellow FCF) og E-129 (Allúra rautt AC). Mikilvægt er að framleiðendur hefji merkingar á hættulegum litarefnum, og að foreldrar séu upplýstir um hvað börnin eru að borða, þannig að fólk viti hvað það er með í höndunum þegar sælgæti er annars vegar.

Af E efna tóli Náttúrunnar fyrir farsíma, skoða e.natturan.is hér.

Grafík: Sælgæti, af E efna tóli Náttúrunnar, Guðrún A. Tryggvadóttir.

Asthma- and Allergy Association of the Nordic Countries

Merki Astma- og ofnæmisstamtaka Norðurlanda.
Landssamtök astma- og ofnæmissjúklinga á Norðurlöndum veita ofnæmisprófuðum og samþykktum vörum í viðkomandi landi leyfi til að bera merki Astma- og ofnæmissamtakanna til þess að auðvelda astma- og ofnæmissjúklingum að finna vörur sem prófaðar hafa verið á viðurkenndan hátt og ekki eru taldar valda ofnæmi.

Sjá vef sænska vef samtakanna.