Nature.is

Flugeldarusl, sprengitertur og jólapappír til Sorpu, ekki í heimilissorpið!

Um hver jól og áramót „framleiðum“ við gífurlegt magn af rusli. Til að minnka neikvæð áhrif af sorpi sem hlaðið er eiturefnum og óendurvinnanlegum ögnum, bendir Sorpa á bestu leiðirnar til að koma slíku rusli til endurvinnslu eða förgunar.

T.a.m. flokkast jólapappír með glimmeri og málmögnum ekki undir venjulegt pappírsrusl og verður að flokka sem óendurvinnanlegt sorp.
Í tilkynningu frá Umhverfissviði Reykjavíkur segir að búast megi við því að skotkökur og flugeldar liggi eins og hráviði um borgina á nýársmorgun og segir rekstrarstjóri sorphirðunnar að ekki sé æskilegt að setja skotterturnar í ruslatunnurnar.

Sitt af hvoru tagi - Fjáröflun Hjálparsveitanna

Nú stendur hinn árlegi atburður „sprengjum gamla árið í tætlur“ fyrir dyrum. Sprengigleði landsmanna virðist aukast ár frá ári og hafa verð eða mengun þar engin áhrif á. Talið er að hér á landi verði skotið á loft þúsund tonnum af sprengiefni í ár.

Í stóra samhenginu eru áhrifin gífurlega neikvæð fyrir umhverfið og er í raun ófyrirgefanleg forheimskun að úða þessum eiturefnum út í andrúmsloftið, jarðveginn og í lungun á okkur. En viljinn til að sprengja og hrökkva í kút eitt og eitt augnarblik í senn og gapa af undrun og aðdáun yfir ljósarósum á lofti einn dag á ári, er kannski skárra en að sprengiþörfin brjótist út á enn neikvæðari hátt, út allt árið.
Kannski verðum við mennirnir að viðurkenna fyrir sjálfum okkur að við séum villidýr, getum ekki annað en unnið spellvirki á umhverfinu vegna árásargirni okkar, sem verður að fá útrás, hvað sem það kostar.

Að ræna Héraðsvötnum - Fundur Áhugahóps um verndun Jökulsánna í Skagafirði vel sóttur

Svartolía og dísilolía úr tönkum Wilson Muuga endaði að hluta til í sjónum

Jólakveðja frá Grasaguddu